Du nummari

Du nummari,

du dati sutta u’nomu…

pari ca fussi un bigghiettu di trenu.

Dintra sti du nummari

tuttu chiddu chi pinsasti… e dicisti…

…e chi facisti…

‘Nta st’arcu di tempu

ci ha mettiri

ca nascisti,

criscisti.

e jucannu, ridennu, chiancennu,

ti facisti “granni”.

U tempu

chi prima un passava mai,

po’ tuttu ‘nta nà vota

pari ca si misi a curriri

arrubbannuti jorna, notti e pinzeri;

accurzannuti

u tempu di la vita.

Mancu l’affettu e l’amuri

sti tempu chi sghidda

u ponnu firmari.

Fortunatu si resti

e si mentri si ancora ‘ntempu

ti po’ firmari un’ mumentu

pi pinzari, pi capiri, pi priari

stu Diu chi ti vosi figghiu

e mettiri ‘nte manu di stu Patri

sta vita ch’era so…

e chi ora torna a Iddu…

 

di Saverio La Paglia

1° Premio poesia in lingua siciliana – 14° Rassegna Regionale dedicata a “Ingnazio Russo”

Sciacca 28 Settembre 2003

Lascia un commento

Il tuo indirizzo email non sarà pubblicato.