Senza faucia e senza ermitu

Sugnu senza faucia e senza ermitu

cu li vrazza a pinnuluni

sbattuti di lu ventu

Cutulini passanu li iorna

mentri la vita nunn’aspetta

nta stu tempu battutu

cu l’azzàru di n’accetta

iorna volanu a lu ventu

smuvuti di la fullàna

ma iu nun cogghiu furmentu

nta sti iorna senza preu nè lamentu

la faucia cuddà

unni vulìa cuddari

nun senti la me manu,

la me forza nun ci duna versu

accussì mi sentu persu

e la sira quannu affaccia l’umitu

nun m’assumma l’ermitu

Vulissi diri, vulissi fari !

Pigghiu ancora chiova di chiantari

e sempri mi sgridda la lapazza

nta sti iorna strammi

ca nun ci canusciu

mancu la razza ….

(Ezio – 14/11/2012)

Agorà Ciminna