U lettu

U lettu e’ nna rosa
siddi nun ddormi
si riposa.
U nidu segretu dda casa.

Ammuccia u to umuri,
ansia, dduluri, notti insonni,
tutti i sonni chi fai,
riflettiri, pinsari!

Ti rannicchi ma poi
u sonnu abbatti.
Oh! comu e’ dduci e bbeddu rripusari!

Ti senti nicaredda,
‘nta i vrazza ddi to matri,
quannu chianu chianu t’annacavi.
Grapennu l’occhi ‘nta matinata
vidi arbeggiari.

Ringrazzii subitu ‘u signuri
cca sta vidennu
u novu jornu arrivari!…

di Francesca Scardino