Poesia dedicata al SS. Crocifisso – O Patri di li grazi di Domenica Pavone

In occasione dei festeggiamenti in onore del SS. Crocifisso la redazione di Agorà Ciminna vi propone l’audio-video della poesia di Domenica Pavone “O Patri di li grazi”. La poesia pubblicata sul nostro sito nell’agosto 2011 è stata recitata dall’autrice in occasione del Simposio di Poesia dal virtuale al reale nell’estate 2012 in Piazza San Giovanni. Buon ascolto.

Patri di li grazi

appisu a chista santa cruci,
ca senti li lamenti e tutti i nostri vuci!
T’addumannamu paci, saluti e lavuru
e pi tutti li piccati, chiremu u to pirdunu!

Chiancemu a li to peri
e ni battemu u pettu,
ma appena fora ri la chiesa
ni scurdamu gia’ ogni cosa!

La vita ri oggi ni pigghia
e n’attanagghia
e senza esitazioni
caremu sempri in tintazioni.

Nascemu piccaturi
picca c’e’ ri fari
vulemu si’ lo tu pirdunu
pi turnari poi a sbagliari!

Ma tu ri chi si fattu?
ca tuttu ti supporti
ca ogni nostru erruri
trafiggi sempri lu to cori

e sai ca nun c’e’ fini a tuttu chistu mali !

Si sulu pinzassimu
a quantu granni e’ lu to’ amuri
tutti a tia avissimu assumigghiari!

di Domenica Pavone