Poesia: A Fera

di Angolo Poesie

A FERA

Un vuciari
chi si senti di luntanu,
comu un vecchiu
chi si murmuria,
attizzu l’aricchi,
circannu di capiri,
cani ca abbaianu !
sonu di campani !
vuci c’abbannia !
genti chi chiacchiaria.
Sugnu arrivatu
o chianu apircalora
dovi si teni
a fera di l’armali
cu accatta, cu vinni
cu ci va pi taliari,
cavadda ,muli,acidduzzi
e autri ancora
Scali,virghi,panara,
carteddi e vutti
vari attrizzi
pi travagghiari,
sunnu esposti
ne bancuna
d’accattari.
Si virinu patri
cui figghi
manu a manu
chi dannu cunsighi
pi chiddu ri cumprari.
Si torna cuntenti a casa
cu l’ansia
di mustrari
d’aviri fattu
di certu u veru affari.