Poesia: Amuri dispiratu.

di Angolo Poesie*

amorePigghiami la manu
e portami luntanu.
T’affidu lu me’ cori
e lu me’ distinu,
vogghiu stariti
pi sempri vicinu.
A st’amuri dispiratu
e cuntrastatu
nun vogghiu rinunciari,
lassu lu me’ munnu,
l’affetti me’ cchiù cari.
Vogghiu dari un sensu novu
all’esistenza,
giuiri di lu to’ amuri
e di la to’ prisenza.
Sarà pazzia……
sarà perdita di la raggiuni…. ,
ma tu nun ma curari,
picchì nun vogghiu
ca mi nn’haiu a péntiri
dumani…… !

* di Domenica Pavone

Lascia un commento

Il tuo indirizzo email non sarà pubblicato. I campi obbligatori sono contrassegnati *