di Angolo Poesie*
ANGOLO POESIE AGORA’ CIMINNA
Paisi miu,
sulu cu sta luntanu tra apprizza.
Quannu si sta a lu paisi
quantu cosi,
quanti discursi,
quanti cosi stupiti si ricinu,
ma cu sta luntanu,
brama viriri li to mura,
sintiri u to profumu chi nesci da li cucini,
da lu furnu.
Paisi miu
amatu chi sta nascustu tra brulli campagni,
ma sunnu comu si fussiru i to fianchi.
Quannu ce la nivi
tu paru cummiggiata tra li linzola bianchi
e li luci rischiaranu di notti lu scuru.
Quannu i to fianchi si rivestinu di virdi
e l’alberi comincianu a sciuriri
tu sembri vistutu a festa.
Comu su beddi l’animali
chi da luntanu sembra che accarezzanu lu to senu.
Sulu cu sta luntani pò capiri
comu tu chiami li to figghi.
Paisi miu
chi mi acchiappasti a la me nascita
pi nun cariri n’terra.
Tu mi allattasti
cu lu pettu di me matri.
Li to strati,
li to vie sunnu stritti
ma è comu fussiru
filati cu la sita e lu fusu.
Comu è beddu sentiri u vuciari
di li picciriddi chi ghiocanu!
Comu si sentinu di luntanu i to figghi sunari.
Hannu ni lu sangu musica, poisia, arti d’ogni specie.
Tu si bedda assai terra mia Ciminna!
Di ca su chista rete,
ti mannnu una vasata:
nun ti scurdari ca sempre ti vogghiu beni.
*Suor Anna Baucina
© Tutti i diritti riservati