Poesia dedicata al nostro paese: Ciminna

A

CIMINNA PAISI ANTICU

CA’ JERU ‘NCONTRU A GUERRI,

FAMI E MALATII.

G

MA CU ‘NA TERRA FERTILI E ABBUNNANTI,

SI SULLIVARU CU TANTA FATICA

E GHIERU AVANTI.

O

E’ CUNTURNATA DI COZZI

E DI MUNTAGNI,

CU UN PANURAMA DI VIRUTA RARA.

NU PAISI CHIUNU D’ARTISTI, PUETI,

MUSICISTI E PRETI E CU TANTI CHIESI.

R

SANTU VITUZZU, U SANTU PICCIRIDDU,

‘NCAPU NNU’ COZZU

AVI LA CHIESA CA TALIA LU PAISI,

PICCHI’, ESSENU ‘U  PRUTITTURI,

LI SCANZA DI TERREMOTI E MALI COSI.

A’

‘NTA CHIESA DI SAN GIUVANNI,

CU’  PATRI DI LI GRAZII CUSSI’ MIRACULUSU,

‘NA ‘MMAGGINI CUSSI’ MAISTUSA

CA’ QUANNU LU TALII TI VENI LU PARPITU A LU CORI,

E TI FA’ PINSARI  COMU T’AVISSI A CUMPURTARI.

C

C’E’ A CHIESA DA’ MATRICI CUSSI’ SPAZZIUSA,

‘NTU MENZU ‘U PATR ETERNU CUSSI’ GRANNI

ATTURNIATU DI ANGILI E DI SANTI,

TI SENTI ‘MPARADISU ‘NMENZU A TUTTI QUANTI.

I

C’E’ A CHIESA DU’ SANTU  PATRI,

CA’ PURU IDDU, VINENNU DI LUNTANU,

FICI TANTA STRATA A CAMMINARI,

VINNI A FINIRI ‘NTA  ‘STU PAISI P’ARRISTARI.

M

QUATTRU PASSI CHIU’ LUNTANU

C’E’ LA CHIESA DU’ CARMINU E SAN DUMINICU,

‘STI CHISI SUNNU TUTTI APERTI ‘PI LI CRISTIANI,

E QUANNU VONNU PONNU IRI ‘PRIARI.

I

CIMINNA DIVINTO’ NU PAISI CUSSI’ MUVIMINTATU

CU’ TANTI RISTORANTI E PUTII ‘NQUANTITA’,

SI DUNANU DA FARI, E LI PAISI CCA VICINU,

U TALIANU COMU FUSSI ‘A CAPITALI!

N

TUTTI CHIDDI CA L’HANNU LASSATU

RITORNANU SEMPRI,

PICCHI’ U SO’ PAISI L’HANNU ‘NTA LU CORI

E NUN VA’ MAI SCURDATU.

N

A 

di FRANCESCA SCARDINO